ԱԳ նախարարի երեք տեղակալները` Արտակ Ապիտոնյանը, Ավետ Ադոնցը և Արմեն Ղևոնդյանն աշխատանքից ազատման դիմումներ են ներկայացրել: Դրանք անցյալ շաբաթ համապատասխան միջնորդագրերով ուղարկվել են վարչապետի աշխատակազմ: 

Այս մասին «Արմենպրես»-ին հայտնել են ԱԳՆ լրատվության և հանրային դիվանագիտության վարչությունից: 

Հիշեցնենք, որ մայիսի 27-ին հրաժարականի դիմում էր ներկայացրել ԱԳ նախարարի պաշտոնակատար Արա Այվազյանը: Այն ստորագրվել է նախագահ Արմեն Սարգսյանի կողմից: 

Մայիսի 31-ին Արա Այվազյանը հրաժեշտի հանդիպում էր ունեցել ԱԳՆ անձնակազմի հետ, որտեղ նշել էր, որ իր հրաժարականի որոշումը պայմանավորված էր նրանով, «որպեսզի երբևիցե որևէ կասկած չլինի, որ այս նախարարությունը կարող է ինչ-որ քայլ անել կամ համաձայնություն տալ ինչ-որ գաղափարների, նախաձեռնությունների, որոնք մեր պետականության, մեր ազգային և պետական շահի դեմ են եղել»։ 

Նույն օրը հրաժարական էր ներկայացրել նաեւ նախարարի տեղակալ Գագիկ Ղալաչյանը։