Տիգրան Արզաքանցյանը շարունակում է քարոզարշավը` չնայած երեկ՝ հունիսի 14-ին, դատարանը մերժել է Արզաքանցյանի հայցը՝ ԿԸՀ-ի որոշումն անվավեր ճանաչելու պահանջով, ըստ որի վերջինս չի կարող մասնակցել գալիք խորհրդարանական ընտրություններին։

Մատենադարանի մոտից մեկարկեց Տիգրան Արզաքանցյանի և նրա գլխավորած «Հայաստանի դեմոկրատական» կուսակցության երթը Երևանի կենտրոնով։ Արզաքանցյանի ֆեյսբուքյան էջում նշված է, որ այս երթով Դեմոկրատական կուսակցությունը դեմ է արտահայտվում Կենտրոնական ընտրական հանձնաժողովի որոշմանը, որով կասեցվել է կուսակցության ցուցակի առաջատար Տիգրան Արզաքանցյանի գրանցումը:

Երթին Տիգրան Արզաքանցյանը քայլում էր կնոջ՝ Նատալիա Ռոտենբերգի հետ։ Երթի առջևից ընթանում էր թմբկահարների նվագախումբը։