Գորիս խոշորացված համայնքի մեջ ընդգրկված Որոտան գյուղում բնակիչները զբաղված են առօրյա գործերով:

Գորիսում բնակվող Պետրոսյանների ընտանիքը եկել է Որոտան՝ իր ամառանոցում թութ թափ տալու: 

Նրանց այգին գտնվում է Գորիս-Որոտան ճանապարհի անմիջական հարեւանությամբ: Այս ճանապարհի 3,6 կմ-ը անցնում է Ադրբեջանի վերահսկողության տակ անցած տարածքով: 

Հավաքված թթի մի մասը կդնեն սեղանին, մնացածից օղի կթորեն:

Ճանապարհի վրա տեղակայված ադրբեջանական հենակետից 1,2 կմ-ի վրա է գտնվում Որոտանի կասկադի «Տաթեւ» հէկը: 

Որոտանի վարչական տարածքի մի մասը պատերազմից հետո GPS-ով կատարված «ճշգրտումներից» հետո անցել է թշնամուն: Այսօր իրարից մի քանի հարյուր մետր հեռավորության վրա տեղադրված են երկու հակամարտող կողմերի դրոշները:

Գյուղացիները բողոքում են, որ անասունները պարբերաբար բնազդով արածելու են գնում դեպի տարածքներ, որոնք այսօր գտնվում են թշնամու վերահսկողության տակ: 

Պատերազմից հետո սահմանամերձ դարձած գյուղում եւս զգացվում է նախընտրական շունչը: