Տեսանյութեր
Լուսանկարներ
Քարտուղարը վերադարձել է. վիճաբանություն Երևանի 7/7 ընտրատեղամասում
Մալաթիա-Սեբաստիա վարչական շրջանի թիվ 7/7 ընտրատեղամասի քարտուղարը վերադարձավ, որից հետո վիճաբանություն սկսվեց հանձնաժողովի նախագահի, քարտուղարի և «Հայաստան» դաշինքի ներկայացուցիչ Քնարիկ Գապոյանի միջև:
Գապոյանը պնդում էր, որ պետք է իր ձեռքով գրանցամատյանում արձանագրություն կազմի խախտման վերաբերյալ:
Հիշեցնենք, որ ավելի վաղ ԲՀԿ վստահված անձ Վարդուհի Խաչատրյանը թղթի վրա նշումներ էր արել «Իմ քայլի» քարտուղարի փոխարեն, քանի որ վերջինս ընտրատեղամասում չէր:
Պարզաբանելով իրավիճակը՝ քարտուղարն ասաց, որ իր խնդրանքով են թղթի վրա նշումներ կատարել, որպեսզի նա գա և իր ձեռագրով տվյալները լրացնի գրանցամատյանում:
Նշենք, որ վիճաբանության ընթացքում հանձնաժողովի նախագահ Սարգիս Քլոյանը, վերցնելով արդեն պատռած թուղթը, որի վրա նշումներ կային, ևս մեկ անգամ պատռեց այն:
Մեկնաբանել