Ցուցարարների պահանջը անփոփոխ է՝ Ա. Հարությունյանի հրաժարականը
Ինչպես նախապես տեղեկացրել ենք այսօր նախատեսված էր Ա. Հարությունյանի հրաժարականի պահանջով հանրահավաք:
«Ապառաժ» կայքը հայտնում է, որ հանրահավաքը մեկնարկել է ժամը 19:00-ին Ստեփանակերտի «Վերածննդի» հրապարակում:
Այսօր, ԱՀ նախագահ Արայիկ Հարությունյանի ֆեյսբուքյան էջի գրառմամբ՝ ժողովրդին կոչ էր արել ժամը 18:00-ին հավաքվել Ստեփանակերտի «Վերածննդի» հրապարակում, որտեղ պատրաստվում է հանդես գալ ուղերձով:
Մինչ այդ տարբեր քաղաքացիներ ահազանգել են, որ իշխանությունները, վարչական ռեսուրսներ կիրառելով, պետական համակարգի աշխատողներին, գյուղական համայնքների բնակիչներին ուղղորդում են դեպի հրապարակ: Ըստ տեղեկությունների՝ նախարարները անձամբ են աշխատողներին պարտադրում մասնակցել հավաքին:
Հավաքի մեկնարկին և ամբողջ ընթացքում հավաքի տարբեր մասերից քաղաքացիները բացականչում էին՝ «Արայիկ դավաճա՛ն», «հեռացի՛ր», իսկ ոստիկանները փորձում էին չեզոքացնել այդ քաղաքացիներին:
Քաղաքացիների մեծ մասը մնացել էր հրապարակում՝ չհետևելով Ա. Հարությունյանի երթի կոչին:
Հավաքված քաղաքացիների պահանջը մեկն է՝ Արայիկ Հարությունյանի հրաժարականը:
Այժմ քաղաքացիները «դավաճա՛ն», «կապիտուլյա՛նտ», «հողատո՛ւ», «հեռացի՛ր» վանկարկումներով պահանջում են, որպեսզի Արայիկ Հարությունյանը ներկայանա և անձամբ պարզաբանի, թե հրաժարականի ողջամիտ ժամկետը ո՞րն է, որի մասին հայտարարել էր պատերազմից հետո:
Մեկնաբանել