Սփյուռքահայ հասարակության կարծիքը ուսումնասիրող «Հայկական սփյուռքի հետազոտության» (ADS) 2021 թվականի առաջին փուլի աշխատանքները հաջողությամբ ավարտվեցին Եվրոպայի շուրջ երկու տասնյակ քաղաքներում, ներառյալ Բելգիայում, Մեծ Բրիտանիայում, Փարիզում և Դոնի Ռոստովում։ 

ADS- ն նախաձեռնվել և ֆինանսավորվում է «Գալուստ Կիւլպէնկեան Հիմնարկութեան» հայ համայնքների բաժնի կողմից և իրականացվում է Լոնդոնի Հայ Հիմնարկի հովանու ներքո: 

Այս տարի, ավելի քան 3500 հայեր մասնակցել են այս նորարարական հետազոտական ​​նախագծին: «Մենք շնորհակալություն ենք հայտնում բոլոր այն հայերին, ովքեր մասնակցել են հարցման այս փուլին», - ասաց Օքսֆորդի համալսարանի սոցիոլոկ, ADS-ի տնօրեն դոկտոր Հրաչ Չիլինգիրյանը:

«Մենք երախտապարտ ենք նրանց՝ սփյուռքի կյանքի կարևոր ​​թեմաների վերաբերյալ իրենց տեսակետները, կարծիքներն ու մտքերը արտահայտելու համար»: 

 «Եռամսյա դաշտային ուսումնադիրություներից հետո, ներկայումս մեր թիմը զբաղված է հավաքագրված մեծագանակ տվյալների մշակմամբ», - ասաց դոկտոր Չիլինգիրյանը` ավելացնելով, որ ավելի քան 60 մարդ է ներգրավվել հետազոտությունն իրականացնող թիմում։ Նրանք աջակցում են իրենց բազմազան կարողություններով և ընդգրկված են աշխատանքային տարբեր փուլերում:

«Բացի գիտաշխատողներից և փորձագետներից, որոնք ղեկավարում են հետազոտությունը, յուրաքանչյուր երկրում ունեցել ենք տեղական խորհրդատվական և հետազոտական ​​խմբեր և համագործակցել ենք տեղական համայնքների մի շարք կազմակերպությունների հետ: Սա իսկապես խմբային աշխատանք է», - բացատրեց նա: 

Ծրագիրը լրացնում է սփյուռքի մասին գիտելիքներում առկա կարևոր բացը և ապացույցների վրա հիմնված պատկերացում տալիս սփյուռքահայ կյանքի բազմաշերտ և բազմազան երևույթների մասին:  

2021 թվականին Բելգիայում, Մեծ Բրիտանիայում, մեծագույն Փարիզում և Դոնի Ռոստովում անցկացված հարցման արդյունքները և ամբողջական տվյալները հասանելի կլինեն լայն հասարակությանը, գիտնականներին և հաստատություններին արդեն 2022 թվականի սկզբին:

Նախորդ տարիների՝ 2018 և 2019 թվականների, հետազոտությունների ամբողջական արդյունքները հասանելի են ADS-ի կայքում՝ www.ArmenianDiasporaSurvey.com: