Արման Թաթոյան. «Երբ բնակիչների հետ հանդիպումներ էինք ունենում Վերին Շորժայի սարատեղիում` ադրբեջանական զինված ուժերը կրակոցներ արձակեցին»
Հուլիսի 29-ին, երբ Մարդու իրավունքների պաշտպանի գրասենյակի աշխատանքային խումբը հանդիպումներ էր ունենում Վերին Շորժայի սարատեղիում, ադրբեջանական զինված ուժերը կրակոցներ են արձակել: Այս մասին ֆեյսբուքյան իր էջում գրել է Մարդու իրավունքների պաշտպան Արման Թաթոյանը:
«Այսօր, երբ բնակիչների հետ հանդիպումներ էինք ունենում Վերին Շորժայի սարատեղիում` հենց այս վայրում ադրբեջանական զինված ուժերը կրակոցներ արձակեցին (մի դիրք էլ հենց մեր գլխավերևում էր): Այդ պահին ստիպված էինք ժամանակավորապես դադարեցնել աշխատանքները, բայց հետո վերսկսեցինք:
Ինքներս տեղում հավաստիացանք, որ ադրբեջանական զինված ուժերի ներկայությունն ինքնին ՀՀ գյուղերի հարևանությամբ մարդկանց կյանքի իրավունքի խախտում է:
Նորաբակ գյուղում բնակիչները տեղեկացրին, որ այսօր և երեկ ևս ադրբեջանական զինված ուժերը կրակոցներ են արձակել»,- գրել է Արման Թաթոյանը:
Մեկնաբանել