«Քաղաքացիական պայմանագիր« կուսակցությունը ԱԺ նախագահի թեկնածու է առաջադրում ԱԺ պատգամավոր Ալեն Սիմոնյանին: Այս մասին ԱԺ նիստին ասաց պատգամավոր Հայկ Կոնջորյանը:

«Հայաստան» դաշինքը նախագահի թեկնածու առաջադրեց կալանքի տակ գտնվող պատգամավոր Մխիթար Զաքարյանին, մյուս ընդդիմադիր ուժը` «Պատիվ ունեմ» դաշինքը խորհրդարանի նախագահի թեկնածու առաջադրեց «Հայաստան» դաշինքի կալանավորված մյուս պատգամավորին` Արթուր Սարգսյանին:

Հիշեցնենք, որ խորհրդարանի նախագահն ընտրվում է պատգամավորների ընդհանուր թվի ձայների մեծամասնությամբ` փակ-գաղտնի քվեարկությամբ: