HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

ՊՆ-ն առաջարկում է գլխավոր շտաբում տարածքային պաշտպանության և պահեստային ուժերի ստորաբաժանում ստեղծել

Հայաստանի պաշտպանության նախարարությունն առաջարկում է զինված ուժերի գլխավոր շտաբում ստեղծել կառուցվածքային նոր ստորաբաժանում՝ տարածքային պաշտպանության և պահեստային ուժերի հրամանատարություն։ Կառավարության համապատասխան որոշման նախագիծը հանրային քննարկման է ներկայացվել իրավական ակտերի նախագծերի հրապարակման միասնական կայքում։

Պաշտպանական գերատեսչությունը ընդգծում է, որ նախագծի ընդունումը պայմանավորված է ՀՀ զինված ուժերի բարեփոխումների շրջանակներում իրականացվող կառուցվածքային փոփոխությունների իրացման անհրաժեշտությամբ:

Ըստ պաշտպանության նախարարության՝ նոր ստորաբաժանումը ստեղծվում է զորատեսակների կենտրոնացված ղեկավարման նպատակով, որը կիրականացնի տարածքային պաշտպանության կազմակերպման պլանավորումը, պետական ռազմական համակարգի մարմինների հետ համագործակցությունը, կցագրված պահեստազորային ռեսուրսների կառավարման, աշխարհազորային ստորաբաժանումների պատրաստության և ներդաշնակման կազմակերպման հարցերի համակարգման գործընթացը:

Ինչպես նշված է նախագծում, նոր կառուցվածքային ստորաբաժանման ստեղծման առթիվ զինված ուժերի թվակազմի ավելացում չի պլանավորվել, այն իրականացվելու է այլ ստորաբաժանումների հաստիքների կրճատման և պաշտպանության նախարարությանը հատկացված բյուջետային միջոցների հաշվին:

Հավելենք, որ պաշտպանության նախարարության այս նախաձեռնությունը դեռևս նախագծի կարգավիճակում է, և ուժի մեջ մկտնի միայն կառավարության հավանությանն արժանանալուց հետո։

Լուսանկարը՝ արխիվային / © «Հետք»

Մեկնաբանություններ (1)

Սամվել
Ես դեմ չեմ հավաքներին, բայց, օրինակի համար, եթե մարդու եկամտի միակ աղբյուրը այգեգործությունն է, Ձեր նշած ամիսներին ունի բերքահավաքի և այն իրացնելու խնդիր, ինչի շնորհիվ 1 տարի պետք է ընտանիք պահի և վարկ վճարի, ինչ է լինելու այդ դեպքում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter