Առողջապահության նախարարությունը տեղեկացնում է, որ օգոստոսի 20-ի, ժամը 11:00-ի դրությամբ հաստատվել է կորոնավիրուսային հիվանդության 508 նոր դեպք, ընդհանուր՝ 236 742 դեպք, որոնցից 223 736-ն` առողջացած, 4732-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 7131 պացիենտ: Ընդհանուր առմամբ, կատարվել է 1 469 328 թեստավորում: Երեկ կատարվել է 7864 թեստավորում:

ԱՆ-ն հայտնում է, որ 293 մարդ առողջացել է, գրանցվել է մահվան 5 դեպք:

Նախորդ օրն արձանագրվել է մահվան 2 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։

Այդպիսի դեպքերի ընդհանուր թիվը 1143 է: