Քաղաքաշինության, տեխնիկական և հրդեհային անվտանգության տեսչական մարմնի տրանպորտային անվտանգության, առողջապահական և աշխատանքի տեսչական մարմնի  մասնագետները և ոստիկանության ծառայողները Covid-19-ի հակահամաճարակային կանոնների պահպանման նպատակով օգոստոսի 23-ին վաղ առավոտից շարունակել են վերահսկողությունը հանրային տրանսպորտի նկատմամբ։

Ըստ տարածված մամուլի հաղորդագրության` մշտադիտարկվել է Երևանի Նոր Նորք վարչական շրջանում գործող մոտ 90 տրանսպորտային միջոց։ Վերահսկողական միջոցառման արդյունքում Տեսչական մարմնինների մասնագետներն արձանագրել են մի շարք խախտումներ։  Հայտնաբերված խախտումների  վերաբերյալ կազմվել է 4 արձանագրություն, որոշ դեպքերում տրվել են պարտադիր կատարման ցուցումներ։

Վերահսկողության հետ միաժամանակ Տեսչական մարմինների մասնագետները նաև բացատրական և իրազեկման աշխատանքներ են իրականացրել։