Առողջապահության նախարարությունը տեղեկացնում է, որ սեպտեմբերի 3-ի ժամը 11:00-ի դրությամբ հաստատվել է կորոնավիրուսային հիվանդության 595 նոր դեպք, ընդհանուր՝ 243 981 դեպք, որոնցից 228 214-ն` առողջացած, 4892-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 9713 բուժառու: Ընդհանուր առմամբ, կատարվել է 1 560 430 թեստավորում: Երեկ կատարվել է 6138 թեստավորում:

ԱՆ-ն հայտնում է, որ 488 մարդ առողջացել է, գրանցվել է մահվան 16 դեպք:

Նախորդ օրն արձանագրվել է մահվան 3 դեպք, երբ բուժառուն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 1162 է: