Խորհրդարանական երկրորդ խմբակցությունը` «Հայաստանն» առաջարկում էր Արտաքին հարաբերությունների մշտական հանձնաժողովի անվանումը փոխել` ավելացնելով նաև Արցախի անունը, սակայն այս հարցն օրակարգ ներառելու որոշումը խորհրդարանը մերժեց:

Նախագիծը չէր ստացել ԱԺ գլխադասային հանձնաժողովի դրական եզրակացությունը, ուստի, լիագումար նիստերի օրակարգ ընդգրկվելու համար անհրաժեշտ էին պատգամավորների ընդհանուր թվի կեսից ավելիի կողմ ձայները: Մինչ քվարկությունը «Քաղաքացիական պայմանագիր» խմբակցության ղեկավար Հայկ Կոնջորյանն ասաց` չեն մասնակցի քվեարկությանը:

Հիշեցնենք, որ խորհրդարանական ընդդիմադիր երկու խմբակցություններն առաջին նստաշրջանում առաջարկում էին Արցախի հարցով հանձնաժողով ստեղծել, սակայն այն ժամանակ ևս իշխող ուժը ձեռնպահ դիրքորոշում որդեգրեց: