Ֆինանսների նախարարությունը 2019, 2020 և 2021 թվականների համար վճարված ճանապարհային հարկի գումարները վերադարձնելու նախաձեռնությամբ է հանդես եկել։ Կառավարության համապատասխան որոշման նախագիծը շրջանառության մեջ է դրվել իրավական ակտերի նախագծերի հրապարակման միասնական կայքում։

2019 թվա­­­կանի հունիսի 25-ին Ազգային ժողովն ընդունել է Հարկային օրենսգրքում փոփոխություններ և լրացումներ կատարելու մասին օրենքը, ըստ որի՝ Հայաստանի Հանրա­պե­տու­թյու­նում գրանցված (հաշվառված) բեռնատար ավտոտրանսպորտային միջոցները 2019թ․ հունվարի 1-ից ազատվում են Հայաստանի ավտոմոբիլային ճանապարհներից օգտվելու համար ճանապարհային հարկ վճարելու պարտավորությունից։

Սակայն ինչպես հայտնում է ֆինանսների նախարարությունը, 2019թ․ հունվարի 1-ից մինչև վերո­նշյալ օրենսդրական փոփոխության կատարումը որոշ հարկ վճարողներ արդեն իսկ վճարած են եղել, իսկ 2019, 2020 և 2021 թվականների ընթացքում որոշ հարկ վճարողների կողմից շարու­նակ­վել է վճարվել ճանապարհային հարկ՝ ՀՀ-ում հաշվառված բեռնատար ավտոմեքենաներով ավտո­մոբիլային ճանապարհներից օգտվելու համար, ուստի՝ այդ գումարները ենթակա են վերա­­դարձ­ման:

Ըստ ներկայացված նախագծի՝ հարկ վճարողները իրենց գումարի վերադարձման համար պետք է դիմում ուղարկեն ֆինանսների նախարարություն, և գումարը կվերադարձվի դիմումը ներկայացնելուց հետո՝ 30 աշխատանքային օրվա ընթացքում։

Նախագծի ընդուն­­­­­­­­­­­­­ման արդ­յուն­­քում ակնկալվում է ապահովել ճանա­պար­հային հարկի պարտավորության բացա­կա­յու­թյան պայմաններում վճարված ճանա­պար­հային հարկի գումարների վերադարձը: Ֆինանսների նախարարության փոխանցմամբ՝ նախագծի ընդունման դեպքում պե­տա­­կան բյուջեի եկա­­մուտ­­ների էական նվա­­զե­­ցում կամ ծախ­­­­սերի ավելա­ցում տեղի չի ունենա:

Հավելենք, որ այս որոշման նախագիծը օրինական ուժ կստանա միայն կառավարության հավանությանն արժանանալուց հետո։