HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Դավիթ Տոնոյանը չի ընդունում մեղադրանքը

Պաշտպանության նախկին նախարար Դավիթ Տոնոյանի նկատմամբ կալանավորումը որպես խափանման միջոց ընտրելու վերաբերյալ միջնորդությունը մակագրվել է Երևանի ընդհանուր իրավասության դատարանի դատավոր Մնացական Մարտիրոսյանին: Քիչ առաջ Տոնոյանի պաշտպան Սերգեյ Հովհաննիսյանը մտավ դատարան` նախկին նախարարի մեղադրանքի վերաբերյալ մանրամասներ և դիրքորոշում չհայտնելով: Պաշտպանը միայն ասաց, որ Տոնոյանը չի ընդունում իրեն առաջադրված մեղադրանքը:

Նշենք, որ դատարանի բակում էին «Իմ քայլը» խմբակցությամ պատգամավորներ Վիլեն Գաբրիելյանը  և Քրիստինե Պողոսյանը:

Գաբրիելյանը լրագրողների հետ զրույցում ասաց, որ եկել է Տոնոյանին աջակցելու և հավատում է, որ վերջինս անմեղ է:

Նշենք, որ նոր գործի վերաբերյալ ԱԱԾ-ն հաղորդագրություն է տարածել` հայտնելով, որ պաշտպանության նախկին նախարար Դավիթ Տոնոյանը և Դավիթ Գալստյանը կասկածվում են առանձնապես խոշոր չափերով՝ 2,277,323,840 ՀՀ դրամ գումար հափշտակելու և կեղծիքներ, հանրորեն վտանգավոր արարքներ կատարելու համար: Նրանք երեկվանից ձերբակալված են, և ԱԱԾ քննիչը երկուսին էլ մեղադրանք է առաջադրել ու կալանավորելու միջնորդություն ներկայացրել դատարան։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter