HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Պաշտպանության փոխնախարար. «Փայլասարի մասին ԱԱԾ-ն պաշտոնական հաղորդագրություն է տարածել»

Պաշտպանության փոխնախարար Արման Սարգսյանը վստահեցնում է` Կապանի Փելա սարի տարածքում դիրքային փոփոխություն չի եղել, և պետք է հիմք ընդունել Ազգային անվտանգության ծառայության հայտարարությունը:

«Փայլասարի մասին ԱԱԾ-ն պաշտոնական հաղորդագրություն է տարածել»,-խորհրդարանում լրագրողների հետ զրույցում ասաց փոխնախարարը:

Սարգսյանը հրաժարվեց սահմանային իրավիճակի մասին հարցերին պատասխանելուց:

«Հարցերը, որոնք հնչելու են, վստահաբար վերաբերելու են սահմաններին, եթե դրանք իրենց մեջ պարունակելու են պետական գաղտնիքի տարրեր, ես զերծ եմ մնալու մեկնաբանելուց»,- ասաց նա:

Դիտարկմանը, թե ստացվում ՊՆ-ն փորձում է ինչ-որ տեղեկություն թաքցնել հանրությունից, Արման Սարգսյանն արձագանքեց` այժմ որևէ տեղեկություն թաքցնել հնարավոր չէ: Նա կոչ արեց հետևել պաշտոնական լրահոսին:

«Որևէ պատկան մարմին որևէ բան, ոչինչ չի թաքցնում, մեր երկիրն իր չափով, մարդկանց ակտիվությամբ էնպիսին է, որ հնարավոր էլ չէ որևէ բան թաքցնել»,- նշեց Սարգսյանը:

Պաշտպանության փոխնախարարը հիշեցրեց, որ զորքերի կահավորվածության, դիրքերի քանակի, հեռավորության և նմանատիպ այլ հարցերը կանոնակարգվում են պետական գաղտնիքի մասին օրենքով, հետևաբար ավելին չի կարող հայտնել:

«Ինչ վերաբերում է մեր սահմաններին, ես զերծ կմնամ պատասխանել` այդ թվում, թե մենք հիմա ձմեռվան պատրաստվելուն ուղղված ինչ աշխատանքներ ենք անում»,- եզրափակեց նա:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter