Հայաստանը Չինաստանից ձեռք է բերել COVID-19-ի դեմ չինական «Սինոֆարմ» պատվաստանյութի ևս մեկ խմբաքանակ` 400 հազար դեղաչափ։ Այս մասին տեղեկացնում է ՀՀ առողջապահության նախարարությունը։

Այն առաջիկայում հասանելի կլինի առողջության առաջնային պահպանման օղակներում և պատվաստումային շարժական կետերում:

Առողջապահության նախարարությունը հիշեցնում է, որ «Սինոֆարմը»  նախատեսված է 18 և բարձր տարիքի անձանց շրջանում COVID-19-ի դեմ պատվաստումներ իրականացնելու համար: Այն ունի Առողջապահության համաշխարհային կազմակերպության (ԱՀԿ) կողմից արտակարգ իրավիճակներում կիրառման թույլտվություն: