Կապան համայնքի 35/14 ընտրատեղամասում ժամը 20:00-ին հանձնաժողովի նախագահ Գոռ Բարսեղյանը հայտարարեց ընտրության ավարտի մասին։ Այս տեղամասում գրանցված 1632 ընտրողներից ընտրությանը մասնակցել է 995 (60%) քաղաքացի։ 

Այս պահի դրությամբ բոլոր համայնքների համեմատ, որտեղ համամասնական և մեծամասնական ընտրակարգով ՏԻՄ ընտրություններ են անցկացվում, Կապան համայնքում գրանցվել է ընտրություններին մասնակցության ամենաբարձր ցուցանիշը։ 

«Կապանում մարդկանց իրավագիտակցությունը բարձր է»,-ասում է «Իրազեկ քաղաքացիներ» դիտորդական խմբի ներկայացուցիչ Արմինե Հովսեփյանը։ Նրա դիտարկմամբ, ընտրությունը հիմնականում անցել է հանդարտ, ընտրախատումներ չի նկատել։

 Այս ընտրատեղամասում քվեաթերթիկների հաշվարկը դեռևս չի սկսվել, քանի որ 8 կտրոն պակասում է։ Մի քանի անգամ հաշվելուց հետո հանձնաժողովի նախագահը որոշեց արձանագրել անճշտությունը և, այնուամենայնիվ, սկսել հաշվարկը։