Նոյեմբերի 16-ի՝ ժամը 16։00-ի դրությամբ՝ իրադրությունը ՀՀ արևելյան սահմանագոտում շարունակում է ծայրահեղ լարված մնալ։ Այս մասին հայտնում է ՀՀ պաշտպանության նախարարությունը՝ հաղորդելով նաև երկու մարտական դիրքի կորստյան մասին։

«Ադրբեջանական զինված ուժերի ստորաբաժանումների՝ հայկական դիրքերի վրա նախաձեռնած հարձակման հետևանքով սկսված մարտերի արդյունքում հայկական կողմն ունի զոհեր և վիրավորներ, որոնց վերաբերյալ տվյալները ճշտվում են, ինչպես նաև հայտնի է երկու մարտական դիրքի կորստյան մասին։

Հայկական զինված ուժերի ստորաբաժանումները, համարժեք գործողություններով, հակառակորդին զինտեխնիկայի և մարդուժի մեծ կորուստներ են պատճառել։ Մարտերը շարունակվում են, դրանց ինտենսիվությունը չի թուլացել»,- ասվում է ՊՆ հաղորդագրությունում։