Արարատի մարզի Վեդի խոշորացված համայնքում քվեարկության իրավունք ունեցող 36 960 քաղաքացիներից դեկտեմբերի 5-ի ՏԻՄ ընտրություններին մասնակցել է 20 125 մարդ (54.45%)։

Ընտրապայքարն ընթանում էր «Իմ հզոր համայնք», «Քաղաքացիական պայմանագիր» և «Հանրապետություն» կուսակցությունների միջև։

Վեդիում ամենաշատ ձայները ստացել է «Իմ հզոր համայնք» կուսակցությունը, որի օգտին քվեարկել է 2383 ընտրող։ Կուսակցության թեկնածուների ցուցակի առաջին համարը Սիսավան համայնքի ղեկավար Սպարտակ Թարթիկյանն է։

«Քաղաքացիական պայմանագիր» կուսակցությունը Վեդիում ստացել է 2270 ձայն, ընտրական ցուցակում առաջին համարը Արարատի նախկին մարզպետ, Պետական գույքի կառավարման կոմիտեի նախագահ Գարիկ Սարգսյանն է։ 

«Հանրապետություն» կուսակցությունը ստացել է 596 ձայն, ընտրական ցուցակը գլխավորում է Գագիկ Հակոբյանը։

Գլխավոր լուսանկարը՝ Անի Սարգսյանի