HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Միրզոյան

Մեկնարկել են Բայդեն-Պուտին բանակցությունները

Մեկնարկել են Ռուսաստանի նախագահ Վլադիմիր Պուտինի ու ԱՄՆ նախագահ Ջո Բայդենի տեսակապով բանակցությունները։ Այդ մասին հայտնում է Интерфакс-ը։ Շփման այս ֆորմատը երկու երկրի նախագահները կիրառում են առաջին անգամ։

Պուտինը գտնվում է Սոչիի իր նստավայրում, իսկ Բայդենը՝ Սպիտակ տանը, Վաշինգտոնում։ Բանակցությունները փակ են մամուլի համար։

Սպասվում է, որ երկու երկրի նախագահները կքննարկեն նաև վերջին շրջանում Ուկրաինայի շուրջ ստեղծված լարված իրավիճակը և դեպի արևելք ՆԱՏՕ-ի ընդլայնումը։

Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Կրեմլում սպասում է հանգամանալից և շարունակական զրույց, սակայն երկկողմ հարաբերություններում բեկում չեն ակնկալում։

Նախագահի կարգավիճակում Պուտինն ու Բայդենն առաջին անգամ հանդիպել էին 2021 թվականի հունիսի 16-ին Ժնևում։ Այն ժամանակ հանդիպումը կայացել էր առկա ձևաչափով։ Նոյեմբերի 10-ին ռուսական «Коммерсант»-ը գրել էր, որ 2022 թվականի սկզբին Ռուսաստանի և Միացյալ Նահանգների նախագահները կարող են ունենալ երկրորդ տետատետ հանդիպումը։

Լուսանկարը՝ REUTERS/Denis Balibouse/Pool

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter