Օդային սահմանով ԱՄՆ մուտք գործող 2 տարեկան և դրանից բարձր տարիքի բոլոր ուղևորները, անկախ պատվաստված լինելու հանգամանքից կամ իրենց ծագման երկրից, պարտավոր են  ներկայացնել ԱՄՆ չվերթի մեկնմանը նախորդող մեկ օրվա ընթացքում  կատարված Covid-19-ի թեստի բացասական արդյունք կամ վերջին 90 օրվա ընթացքում Covid-19-ից ապաքինված լինելը փաստող ապացույց։ Այս մասին հայտնում է Հայաստանում ԱՄՆ դեսպանատունը։ 

«ԱՄՆ բոլոր ուղևորվողներին հորդորում ենք պարբերաբար ստուգել ձեր ավիափոխադրողի կայքը և հետևել Հայաստանում ԱՄՆ դեսպանության կայքին՝ Covid-19-ին առնչվող սահմանափակումների հետ կապված  փոփոխությունների մասին վերջին տեղեկությունների համար»,- նշվում է հաղորդագրության մեջ։