Չինական «Յույտու-2» լուսնագնացը վերջապես հասել է Լուսնի հակառակ կողմում գտնվող խորհրդավոր օբյեկտին։ Պարզվել է, որ գտածոյում որևէ խորհրդավոր բան չկա։ CSNA-ի (Չինաստանի ազգային տիեզերական վարչություն) հետ կապ ունեցող գիտական ալիքներից մեկը հայտնել է, որ դա ուղղակի լուսնաքար է։ 

Գրառումն առաջինը տեսել է գիտական լրագրող Էնդրյու Ջոնսոնը։

Oh, this is amazing. Close to tears. Ourspace has published an update on the "mystery hut" and it's so underwhelming it's brilliant. It's just a small rock on a crater rim that they're now calling "jade rabbit" for its appearance. Source: https://t.co/frrMKH7RWM https://t.co/GFCIRzqmDu pic.twitter.com/jpDLDS8TZu

— Andrew Jones (@AJ_FI) January 7, 2022

Նոյեմբերի վերջին չինական «Յույտու-2» լուսնագնացը, գտնվելով Ֆոն Կարմանի հարվածային խառնարանում, սարքավորումից 80 մետր հեռավորության վրա` խառնարանի եզրին ֆիքսել էր տարօրինակ խորանարդային օբյեկտ։ Եվ չնայած Չինաստանի ազգային տիեզերական վարչության մասնագետները միանգամից ենթադրեցին, որ դա միայն մեծ գլաքար է։ Այնուամենայնիվ, գիտնականներին հետաքրքրել էր օբյեկտը և նույնիսկ այն անվանել էին «խորհրդավոր խրճիթ»։  

Գիտնականները կարծում էին, որ դեպի այդ օբյեկտ տանող ճանապարհը կտևի երկուսից երեք ամիս, սակայն լուսնագնացն ավելի արագ հասավ։

Չինաստանը միլիարդավոր դոլարներ է ծախսում իր տիեզերական ծրագրի վրա։ Անցած տարվա մայիսին Չինաստանն առաջին անգամ տիեզերական սարքավորում էր իջեցրել Մարսի վրա։ «Տյանվեն-1» տիեզերական սարքավորման վայրէջքը տեղի էր ունեցել Մարսի հյուսիսային կիսագնդի Ուտոպիա հարթավայրի հարավային հատվածում։

Մարսագնացն արձակվել էր 2020 թվականին հունիսի 23-ին՝ Հայնան կղզում գտնվող տիեզերակայանից: Այն Մարսի ուղեծիր էր դուրս եկել 2021 թվականի փետրվարին, որից հետո շուրջ երկու ամիս ուսումնասիրում էր վայրէջքի հնարավոր վայրերը։

Լուսանկարը՝ CSNA-ի