Վարչապետ Նիկոլ Փաշինյանը հունվարի 17-ին որոշում է ստորագրել, որով Էդգար Փարվանյանին նշանակել է Արագածոտնի փոխմարզպետ։

«Ղեկավարվելով «Հանրային ծառայության մասին» օրենքի 9-րդ հոդվածի 9-րդ մասով՝ Էդգար Փարվանյանին նշանակել Հայաստանի Հանրապետության Արագածոտնի մարզպետի տեղակալ»,- ասված է հայտարարության մեջ:

Նիկոլ Փաշինյանը մեկ այլ որոշմամբ էլ Արագածոտնի մարզպետի տեղակալի ժամանակավոր պաշտոնակատարի պաշտոնից ազատել է Տիգրան Եղիազարյանին, ով այդ պաշտոնում նշանակվել էր 2021թ․ հունիսի 4-ին։

Նշենք, որ նորանշանակ փոխմարզպետ Էդգար Փարվանյանը 2021թ․ դեկտեմբերի 5-ին Արագածոտնի մարզի Ապարան համայնքում տեղի ունեցած ՏԻՄ ընտրություններում, որտեղ հաղթեց «Կարեն Եղիազարյան» դաշինքը, գլխավորում էր «Քաղաքացիական պայմանագիր» կուսակցության ցուցակը։