Շեշտակի թանկացել է թե՛ պարարտանյութը, թե՛ սերմացուն, թե՛ դիզվառելիքը։ Այս մասին Կառավարության հերթական նիստից հետո լրագրողների հետ զրույցում հայտնեց Էկոնոմիկայի նախարար Վահան Քերոբյանը։

«Այս պահին ինտենսիվ բանակցում ենք այլ երկրների արտադրողների հետ, որպեսզի հասկանանք՝ ինչ ձևով ենք օժանդակելու գյուղտնտեսություններին։ Ըստ էության, մեր 3-15 մլն դրամանոց վարկերի սուբսիդավորման իմաստը հենց դա է՝ օգնել գյուղացիներին հնարավորինս էժան իրականացնել իրենց գյուղատնտեսական աշխատանքները, բայց հասկանում ենք, որ այս պահին գուցե սա բավարար գործիք չէ»,- ասաց նա։

Ըստ նախարարի՝ դա նաև ուղիղ ազդեցություն է ունենալու վաճառվող բերքի գնի վրա, հետևաբար՝ գնաճի վրա։

«Հիմա լուծումներ ենք փնտրում, որոնք շատ չեն ուշանա»,- հավաստիացրեց նախարարը՝ նշելով, որ քննարկումները Ռուսաստանի, Իրանի և Քաթարի հետ են։

Կարդացեք նաև՝

• Ամիսներ առաջ 7500 դրամով վաճառվող պարարտանյութի գինը դարձել է 25 000 դրամ