Խորհրդարանը մերժեց «Պատիվ ունեմ» խմբակցության պատգամավոր Թագուհի Թովմասյանի ներկայացրած օրենքի նախագիծը, որով առաջարկվում է հնարավորություն ընձեռել պայմանագրային զինծայողներին, Կադաստրի կոմիտեի վկայականի հիման վրա, բնակարանի վարձավճարի փոխհատուցում ստանալ:

Քվեարկությունից առաջ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն ասաց, որ հանձնաժողովն իր քվեարկությամբ հնարավորություն է տվել, որ հարցը քննարկվի լիագումար նիստում, սակայն նախագիծը ոչ միայն առկա խնդիրները չի լուծում, այլ նոր խնդիրներ է առաջ քաշում: Նա կոչ արեց քաղաքական մեծամասնությանը դեմ քվեարկել:

Հիշեցնենք, որ գործող օրենքի համաձայն` պայմանագրային զինծառայողները վարձավճարի փոխհատուցում ստանալու համար բնակարանի վարձակալության պայմանագիր են ներկայացնում: