Եվրասիական միության մաքսային տարածք ներմուծված օտարերկրյա ապրանքներին այսուհետ կվերահսկվեն. ներդրվել է այդ ապրանքների հետագծելիության պիլոտային ծրագիր։ Այս մասին օրերս կայացած Եվրասիական միջկառավարական խորհրդի նիստում հայտնել է ԵՏՀ էկոնոմիկայի և ֆինանսական քաղաքականության նախարար Ռուսլան Բեկետաևը։

Նա, մասնավորապես, նշել է, որ ներդրվելու է ԵԱՏՄ տարածք ներմուծվող ապրանքների հետագծելիության մեխանիզմ, որի վերաբերյալ արդեն իսկ կա մշակված Համաձայնագիր։

Հանձնաժողովը, Միության անդամ երկրների փորձագետների հետ համատեղ, մշակել և համաձայնեցրել է բոլոր անհրաժեշտ նորմատիվ ակտերը՝ Կոլեգիայի 7 և ԵՏՀ խորհրդի 2 որոշումներ, որոնք արդեն ընդունված են։

Ռուսլան Բեկետաև

ԵԱՏՄ երկրներում օտարերկրյա ապրանքների հետագծելիության պիլոտային ծրագիրը կիրականացվի 2022թ հուլիսի 1-ից մինչև 2023թ մարտի 31-ը։

Նշենք, որ Համաձայանագիրն ուժի մեջ էր մտել դեռևս նախորդ տարի՝ 2021թ փետրվարին, օտարերկրյա ապրանքների հետագծելիության լիարժեք համակարգ ստեղծելու համար։

Այդ համակարգի հիմնական նպատակն է՝  ապահովել և հաստատել օտարերկրյա ապրանքների շրջանառության օրինականությունը ԵԱՏՄ մեկ անդամ պետությունից մյուսի տարածք տեղափոխելիս։

Բացի այդ, համակարգը  պետք է պայմաններ ստեղծի, որոնք կբացառեն մաքսային և հարկային վճարումներից խուսափելու տարբեր սխեմաների կիրառումը։ Այն նաև կապահովի օտարերկրյա ապրանքների շրջանառության հետ կապված տարբեր գործառնությունների նկատմամբ պետական ​​վերահսկողությունը։

Գլխավոր լուսանկարը՝ cleverence.ru-ի