![](/static/articles/14/19/71/l-aXkAFo7z1k.jpg)
Ուկրաինայում պատերազմական գործողություններից ի վեր զոհվել է ավելի քան 400 խաղաղ բնակիչ. ՄԱԿ
Ուկրաինայում պատերազմական գործողությունների մեկնարկից մինչև մարտի 6-ը ներառյալ զոհվել է առնվազն 406 խաղաղ բնակիչ։ Այդ մասին մարտի 7-ին հայտարարել է ՄԱԿ-ի մարդու իրավունքների հարցերով բարձրագույն հանձնակատարի գրասենյակը։
Ըստ ՄԱԿ-ի տվյալների՝ 801 մարդ վիրավորվել է։ Զոհերից 27-ը երեխաներ են։
23 խաղաղ բնակիչ էլ զոհվել է Դոնեցկի և Լուգանսկի ինքնահռչակ հանրապետությունների վերահսկողության տակ գտնվող տարածքներում։
Նախօրեին ՄԱԿ-ի փախստականների հարցերով բարձագույն հանձնակատար Ֆիլիպո Գրանդին թվիթերյան իր միկրոբլոգում գրել էր, որ ուկրաինացի փախստականների թիվը գերազանցել է 1,5 միլիոնը։
«Ուկրաինայից ավելի քան 1,5 միլիոն փախստական 10 օրվա ընթացքում տեղափոխվել է հարևան երկրներ։ Սա Երկրորդ համաշխարհային պատերազմի ժամանակներից ի վեր Եվրոպայում փախստականների հետ կապված ամենաարագ աճող ճգնաժամն է»,- գրել էր Գրանդին։
Ուկրաինացի փախստականները տեղափոխվում են Լեհաստան, Հունգարիա, Ռումինիա, Մոլդովա և եվրոպական մյուս երկրներ։
Լուսանկարը՝ Associated Press գործակալության
Մեկնաբանել