Ոստիկանությունը խորհրդարանի բակում լուսաձայնային նռնակներ է տեղադրում:

Այսօր խորհրդարանում Ազգային ժողով-կառավարություն հարցուպատասխան է լինելու, և սպասվում է վարչապետ Նիկոլ Փաշինյանի այցը խորհրդարան: Անհնազանդության ակցիաների մասնակիցներն այսօր 15:30-ից հավաքվելու են Երևանի Ֆրանսիայի հրապարակում:

«Վաղն ԱԺ-ում տեղի է ունենալու Կառավարության հետ հարցուպատասխան։ Ժամը 16։00-ին Նիկոլը գալու է Ազգային ժողով։ Մենք պետք է լինենք այս հրապարակում՝ իր հրաժարականի հանրային պահանջը ներկայացնելու համար։ Վաղը ձեր ներկայությունը շատ կարևոր է։ Շատ կարևոր է, որ լինի իրական գործադուլ և դասադուլ»,-ասել էր Իշխան Սաղաթելյանը: