Առողջապահության նախարարությունը հայտնում է, որ մայիսի 11-16-ն ընկած ժամանակահատվածում Հայաստանում հաստատվել է կորոնավիրուսի 17 նոր դեպք, մահ չի գրանցվել։

Հիշեցնենք, որ առողջապահության նախարարությունը կորոնավիրուսի մասին տվյալները սկսել է հրապարակել շաբաթը մեկ։

Նախորդ շաբաթ կատարվել է 8934 թեստավորում։ Առողջացել է 21 մարդ։

Այսպիսով, հաստատվել է կորոնավիրուսային հիվանդության ընդհանուր 422 917 դեպք։ Հիվանդացածներից 412 071-ն առողջացել է:

Ընդհանուր առմամբ, կորոնավիրուսի հետևանքով մահվան 8623 դեպք է արձանագրվել:

Ընդհանուր կատարվել է 3 078 174 թեստավորում: