Խորհրդարանն առաջին ընթերցմաբ ընդունեց «ՀՀ վարչատարածքային բաժանման մասին», «Տեղական ինքնակառավարման մասին» և «Հանրային ծառայության մասին» օրենքների նախագծերի փաթեթը: Այն ընդունվեց 58 կողմ ձայնով:

Կառավարությունն առաջարկում է 141 բնակավայրի և 13 համայնքի միավորմամբ ձևավորել 5 համայնք: Խոշորացվելու են Գեղարքունիքի մարզի Ճամբարակ, Լոռու մարզի Տաշիր, Ալավերդի, Սյունիքի մարզի Սիսիան, Արագածոտնի մարզի Թալին համայնքները: Փոփոխությունների արդյունքում Հայաստանում 79 համայնքի փոխարեն կլինի 71-ը:

Նշված համայնքներում այս տարվա սեպտեմբերի 25-ին տեղի կունենան ավագանու ընտրություններ: