Արդարադատության նախկին փոխնախարար, վարչապետ Նիկոլ Փաշինյանի օգնական Աննա Վարդապետյանը խորհրդարանում է. նա հանդիպման է «Քաղաքացիական պայմանագիր» խմբակցության պատգամավորների հետ:

Ըստ մամուլի հրապարակումների՝ իշխանություն մտադիր է Վարդապետյանին առաջադրել՝ որպես գլխավոր դատախազի թեկնածու: Մինչ հանդիպումը Վարդապետյանը հրաժարվեց որևէ հարցի պատասխանել՝ ասելով, որ կխոսի հանդիպումից հետո: Հանդիպումը դռնփակ է:

Հիշեցնենք, որ գլխավոր դատախազ Արթուր Դավթյանի պաշտոնավարման ժամկետը լրանում է այս տարվա սեպտեմբերին:

Վարդապետյանի անունը կապվում էր հայտնի տեսանյութի հետ, որի համաձայն՝ Աննա Վարդապետյան օգտատերը ցուցում էր տվել դատավորին, թե ինչ մեղադրանք առաջադրեն ՀՖՖ նախկին նախագահ, նախկին պատգամավոր Ռուբեն Հայրապետյանին:

Այս դեպքով ԱԱԾ-ն մերժել էր քրեական գործի հարուցումը: