![](/static/articles/14/58/97/l-BTYEjy6r9o.jpg)
Ընտրություններից 6 ամիս անց՝ թեկնածուների քարոզչական պաստառները դեռ «ողջունում» են ընտրողներին
2021թ. դեկտեմբերի 5-ի ՏԻՄ ընտրություններից անցել է 6 ամսից ավելի, սակայն խոշորացված Փարաքար համայնքի՝ Երևան-Էջմիածին ավտոճանապարհահատվածի գովազդային վահանակների սյուներին, բնակելի տների պատերին ու կրպակներին դեռևս փակցված են թեկնածուների գովազդային պաստառները:
Ընտրություններին մասնակցած երեք քաղաքական ուժերի՝ «Ապրելու Երկիր», «Քաղաքացիական Պայմանագիր» կուսակցությունների և «Դավիթ Մինասյան» կուսակցությունների դաշինքի պաստառներից չեն շտապում ազատվել:
Նշենք, որ այդ ճանապարհահատվածով ամեն օր անցնում են մարզպետարանի պաշտոնյաները, Մայր Աթոռ գնացող պատվիարակությունները, սակայն որևէ մեկը չի «նկատում» արդեն աղբ հիշեցնող քարոզչկան պաստառները: Իսկ Փարաքարի համայնքապետարանում գործուն քայլեր չեն ձեռնարկվում այդ ուղղությամբ:
Մարզխորհրդի նիստերի ժամանակ մարզպետ Էդվարդ Հովհաննիսյանը պարբերաբար հիշեցնում է համայնքների ղեկավարներին մաքրել բանուկ ճանապարհները կուտակված աղբից, ուշադրության կենտրոնում պահել տուրիստական երթուղիները, սակայն 6 ամսից ավելի քարոզչական պաստառները մնացել են աննկատ:
Մեկնաբանել