![](/static/articles/14/59/61/l-VUWMyPiJy7.jpg)
Ստեփանակերտում խստացված ռեժիմով հատուկ միջոցառումները շարունակվել են
Արցախի ՆԳ նախարարի կարգադրությամբ և ոստիկանության պետի հրամանով, հունիսի 25-ի գիշերը մայրաքաղաք Ստեփանակերտում խստացված ռեժիմով հատուկ միջոցառումները շարունակվել են։
Ուժեղացված ծառայության շրջանակներում կանգնեցվել են բոլոր տրանսպորտային միջոցները, ստուգվել ճանապարհային երթևեկությանը մասնակցելու իրավունք վերապահող և փոխադրվող բեռի փաստաթղթերը, վարորդների և քաղաքացիների ներկայությամբ զննվել են տրանսպորտային միջոցները, ինչպես նաև փոխադրվող բեռը։
«Հատուկ միջոցառումները մեկնարկել են մայիսի 17-ից` Ճանապարհային ոստիկանության, տարածքային ստորաբաժանումների և ԱՀ ԱԱԾ ծառայողների հետ համատեղ։ Արդյունքները կամփոփվեն ավելի ուշ»,- նշվում է ՆԳ նախարարության տարածած հաղորդագության մեջ։
Նշենք, որ հատուկ միջոցառումներն իրականացվում են ապօրինի զենքի կամ ռազմամթերքի, ոչ սթափ վիճակում գտնվող վարորդների, առանց կամ կեղծ համարանիշերի և առանց վարորդական իրավունքի վկայականի տրանսպորտային միջոց շահագործելու և այլ խախտումների հայտնաբերման նպատակով։
Մեկնաբանել