Հուլիսի 28-ին Բնապահպանության և ընդերքի տեսչական մարմին (ԲԸՏՄ) տեղեկատվություն է ստացվել այն մասին, որ Դեբեդ գետում նկատվել են արտադրական աղտոտման հետքեր։ Այս մասին հաղորդում է ԲԸՏՄ մամուլի ծառայությունը։

Տեսչական մարմնի Լոռու տարածքային բաժնի աշխատակիցները պարզել են, որ հուլիսի 27-ին՝ ժամը 23։30-ի սահմաններում «Ախթալա ԼՀԿ» ՓԲԸ-ի «Նահատակ» պոչամբարի խողովակաշարի թիվ 3 թունելում տեղի է ունեցել վթար, որի հետևանքով առաջացել է արտահոսք դեպի Դեբեդ գետ։

Շրջակա միջավայրին հասցված վնասի չափը պարզվում է։ Նյութերն ուղարկվել են իրավապահ մարմիններին։

Վթարը վերացվել է հուլիսի 28-ին՝ 14։00-ին։