Վարչապետ Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շառլ Միշելի հետ գիշերը Հայաստանի սահմանների վրա Ադրբեջանի հարձակումից հետո:

«Վարչապետը մանրամասն ներկայացրել է Հայաստանի սուվերեն տարածքի նկատմամբ Ադրբեջանի կողմից ձեռնարկված ագրեսիայի հետևանքով ստեղծված իրավիճակը:

Շառլ Միշելը նշել է, որ տարածաշրջանում խաղաղությանն ու կայունությանն այլընտրանք գոյություն չունի և պատրաստակամություն հայտնել ջանքեր գործադրել՝ հետագա էսկալացիան կանխելու համար»,- ասված է վարչապետի կայքում հրապարակված հաղորդագրության մեջ:

Հիշեցնենք, որ Եվրոպական խորհրդի նախագահի միջնորդությամբ էին օգոստոսի 31-ին Բրյուսելում հանդիպել Նիկոլ Փաշինյանն ու Իլհամ Ալիեւը։