Հանրային հեռուստաընկերությանը տված հարցազրույցում Անվտանգության խորհրդի քարտուղար Արմեն Գրիգորյանը հայտնել է, որ միջազգային հանրության ներգրավվածության շնորհիվ հաջողվել է ձեռք բերել հրադադարի պայմանավորվածություն՝ հույս հայտնելով, որ Ադրբեջանը կպահպանի հրադադարը։

«Ռազմի դաշտում Ադրբեջանը էական հաջողության չի հասել. մեր բանակի շնորհիվ հնարավոր է եղել թույլ չտալ ավելի մեծ պլանի իրագործումը, որը եղել է սեղանին։ Եվ քանի որ այդ դաշտում չի ստացվել հաջողել, նրանք սկսել են գործընթացներ հենց ՀՀ ներսում»,- նշել է ՀՀ ԱԽ քարտուղար Արմեն Գրիգորյանը։

Նա այլ մանրամասներ չի հայտնել՝ նշելով, որ այդ մասին առավել մանրամասն կխոսի Պաշտպանության նախարարությունը։