«Ընդդիմադիրների հետ տարիներով առնչվել եմ, ամենալավը գիտեմ՝ իրենք որ քրեական գործերով ինչ, ինչպես են արել, ուր են հասցրել մարդկանց»,- այս մասին Ազգային ժողովում եզրափակիչ ելույթի ժամանակ հայտնեց ՍԴ դատավորի թեկնածու Սեդա Սաֆարյանը։

Հիշեցնենք, որ այսօր՝ սեպտեմբերի 15-ին, Ազգային ժողովը քննարկում է Սահմանադրական դատավորների ընտրության հարցը։ Կառավարության առաջադրած ՍԴ դատավորի թեկնածուն Սեդա Սաֆարյանն է։

Ըստ նրա՝ ինքը գնում է ՍԴ նաև օրենքի գերակայություն, սահմանադրական արդարադատություն ապահովելու նպատակով և ուզում է անդրադառնալ այն հանգամանքին, որ ընդդիմադիրները խոսում են իր մասնագիտական փորձառությունից, քաղաքական կողմնորոշումների հետ կապված մեղադրանքներ են հնչեցնում։

«Կարող էին էսօր լինել դահլիճում, բայց չէ, շատ ավելի հարմար է պատերի տակ բամբասել, պատասխաններ չստանալ, իրավունքը այլաձևել, դու իրավունքից խոսես, իրենք քաղաքականությունից, հետո քեզ վերագրեն քաղաքական մոտեցումները»,- նշեց Սաֆարյանը։

Մանրամասները՝ տեսանյութում։