Ռուսաստանի Դաշնության՝ ««Մասնագիտական ​​եկամտի հարկ»-ի վրա հատուկ հարկային ռեժիմ սահմանելու փորձարկում անցկացնելու մասին» դաշնային օրենքի համաձայն՝ Եվրասիական տնտեսական միության երկրների քաղաքացիները, ովքեր ինքնուրույն ծառայություններ են մատուցում կամ կատարում են որևէ աշխատանք (դայակներ, դաստիարակներ, տաքսիներ. վարորդները, խոհարարները, դերձակուհիները, վարսահարդարները, էլեկտրիկները, ջրմուղագործները և այլն), կարող են կամավոր գրանցվել Ռուսաստանում՝ որպես ինքնազբաղված։

Ինքնազբաղվածի կարգավիճակը նրանց հնարավորություն կտա եկամուտներն ստանալ օրինական՝ առանց անօրինական ձեռնարկատիրական գործունեության համար պատասխանատվության ենթարկվելու։

Ինքնազբաղվածները հարկվում են հետևյալ դրույքաչափով.

• 4% ֆիզիկական անձանց ծառայություններ մատուցելիս/աշխատանքներ կատարելիս.
• 6% իրավաբանական անձանց կամ անհատ ձեռնարկատերերին ծառայություններ մատուցելիս/աշխատանքներ կատարելիս:

Ինքնազբաղվածներն այն մարդիկ են, ովքեր չունեն գործատու, ղեկավար կամ աշխատողներ: Միաժամանակ զբաղվում են մանր առևտրով կամ ծառայություններ են մատուցում բնակչությանն ու ցանկացած չափի ընկերություններին, իսկ ստացված եկամուտներից հարկեր են վճարում պետությանը։ 

Որպես ինքնազբաղված գրանցվելը հիմք է ՌԴ-ում օրինական գտնվելու ժամկետը երկարացնելու համար:

Ինքնազբաղված լինելու համար բավական է ունենալ հարկատուի հաշվառման համար (ՀՎՀՀ) և օգտահաշիվ Հարկ վճարողի անձնական հաշվում, որի համար պետք է ներբեռնել «Мой налог» («Իմ հարկը») բջջային հավելվածը և գրանցվել (գործում է նաև ծրագրի վեբ տարբերակը, հեղ.)։

ՀՎՀՀ բացակայության դեպքում, այն կարելի է ստանալ ՌԴ ցանկացած հարկային ծառայությունում՝ 5-օրյա ժամկետում, ինչի համար անհրաժեշտ է անձնագիր և դիմում։ Բացի այդ,  որպես ինքնազբաղված կարելի է գրանցվել նաև՝ դիմելով լիազորված բանկերին (լիազորված բանկերի ցանկը տեսեք այստեղ):

ՀՎՀՀ ստանալուց հետո կարելի է ստանալ նաև մուտքանուն և ծածկագիր. սա կտևի 15 րոպե։

Առավել մանրամասն տեղեկություններ կարելի է ստանալ ՌԴ Դաշնային հարկային ծառայության կայքում, հետևայլ հղմամբ։

Լուսանկարը՝ Նարեկ Ալեքսանյանի, արխիվային