Հայաստանի Պաշտպանության նախարար Սուրեն Պապիկյանին երեկ՝ սեպտեմբերի 27-ին, ընդունել է Ֆրանսիայի պաշտպանության նախարար Սեբաստիեն Լըկորնյուն։ Հայաստանի ՊՆ-ն դեռեւս պաշտոնական հաղորդագրություն չի տարածել այս հանդիպման մասին, սակայն Սեբաստիեն Լըկորնյուն գրառում է արել իր ֆեսբուք էջում եւ հայտնել, որ Պապիկյանի հետ քննարկել են հայ-ադրբեջանական սահմանին տիրող իրավիճակը։

Ֆրանսիացի նախարարը հայտարարել է, որ զինված բախումները պետք է դադարեն եւ ադրբեջանական ուժերը վերադառնան իրենց ելման դիրքեր։

Սեբաստիեն Լըկորնյուն նաեւ հայտնել է, որ շուտափույթ ֆրանսիական պատվիրակություն կուղարկվի՝ իրավիճակը գնահատելու համար։