Վարչապետ Նիկոլ Փաշինյան թվիթերյան իր էջում 2 գրառում է կատարել՝ նշելով, որ ադրբեջանական ներխուժումը պետք է դատապարտվի և դադարեցվի։

«Ադրբեջանական նոր հարձակման հետևանքով այսօր Հայաստանի տարածքում 3 հայ զինվոր է զոհվել։ Սա հարձակում է Հայաստանի անկախության, ինքնիշխանության և ժողովրդավարության դեմ։ Ադրբեջանական ներխուժումը պետք է դատապարտվի և դադարեցվի»,- գրել է նա։

As a result of a new @Azerbaijani attack 3 Armenian soldiers have been killed today within the territory of @Armenia. This is an attack against Armenian independence, sovereignty and democracy. The Azerbaijani invasion must be condemned and stopped. #StandForArmenianDemocracy!

— Nikol Pashinyan (@NikolPashinyan) September 28, 2022

Փաշինյանն ընդգծել է նաև միջազգային դիտորդական առաքելության անհրաժեշտությունը ադրբեջանական օկուպացիայից տուժած հայկական տարածքներում և սահմանամերձ շրջաններում։

«Ադրբեջանական զորքերի դուրսբերումը և միջազգային դիտորդական առաքելության տեղակայումն ադրբեջանական օկուպացիայից տուժած հայկական տարածքներում և սահմանամերձ շրջաններում բացարձակ անհրաժեշտություն են»,- գրել է նա։

Withdrawal of Azerbaijani troops and deployment of an international observer mission on the @Armenian territories affected by @Azerbaijani occupation and bordering areas is an absolute necessity.

— Nikol Pashinyan (@NikolPashinyan) September 28, 2022

Հիշեցնենք, որ սեպտեմբերի 28-ին՝ ժամը 18:00-ից սկսած, Ադրբեջանի զինված ուժերի ստորաբաժանումները, ականանետերի և խոշոր տրամաչափի հրաձգային զինատեսակների կիրառմամբ, կրակ են բացել հայ-ադրբեջանական սահմանի արևելյան ուղղությամբ տեղակայված մարտական դիրքերի ուղղությամբ: Հայկական կողմը դիմել է պատասխան գործողությունների։ 

Ադրբեջանական սադրանքի հետևանքով հայկական կողմն ունի 3 զոհ:

ժամը 22:00-ի դրությամբ իրադրությունը հայ-ադրբեջանական սահմանին հարաբերականորեն կայունացել է: