![](/static/articles/14/88/69/l-wyKhUaC0td.jpg)
Քննարկվել է ԵԱՀԿ դիտորդական առաքելություն ուղարկելու հարցը
ԵԱՀԿ գործող նախագահ, Լեհաստանի ԱԳ նախարար Ռաու Զբիգնևը հեռախոսազրույց է ունեցել Ֆրանսիայի ԱԳ նախարար Կատրին Կոլոննայի հետ։ Նախարարները քննարկել են Հայաստանի և Ադրբեջանի միջև սահմանային վերջին զարգացումները և տարածաշրջանում ԵԱՀԿ դիտորդական առաքելություն ուղարկելու հնարավորությունը։ Այս մասին տեղեկանում ենք Լեհաստանի Արտաքին գործերի նախարարության թվիթերյան էջից։
FM @RauZbigniew had a phone call today with FM of France 🇫🇷 @MinColonna.
— Ministry of Foreign Affairs 🇵🇱 (@PolandMFA) October 1, 2022
The ministers discussed recent developments on the 🇦🇲🇦🇿 border and the potential possibility of sending a #OSCE mission to the region. pic.twitter.com/vE5l4qBKi6
Նշենք, որ Ռուսաստանի արտաքին գործերի նախարար Սերգեյ Լավրովն էլ հայտարարել էր, որ քննարկվում է Հավաքական անվտանգության պայմանագրի կազմակերպության (ՀԱՊԿ) դիտորդներին օգտագործելու հնարավորությունը՝ Հայաստանի, Ադրբեջանի և Ռուսաստանի ղեկավարների պայմանավորվածությունների իրականացման բարենպաստ պայմաններ ստեղծելու համար:
Հիշեցնենք, որ ՀՀ վարչապետ Նիկոլ Փաշինյանը սեպտեմբերի 29-ին Կառավարության նիստի ժամանակ հայտնեց, որ Հայաստանը համաձայն է բոլոր այն կոչերին և ընդգծումներին, որ հարցերը պետք է լուծել դիվանագիտական խաղաղ ճանապարհով, բայց, Ադրբեջանը շարունակաբար դիմում է ագրեսիվ գործողությունների, և այդ իրավիճակից ելնելով՝ վարչապետը միջազգային գործընկերներին առաջարկեց հետևյալ բանաձևը․ «Կարծում ենք, որ լուծում կարող է լինել Հայաստան-Ադրբեջան սահմանին միջազգային դիտորդական առաքելության տեղակայումը։ Կլինի դա ՄԱԿ-ի Անվտանգության խորհրդի, ԵԱՀԿ-ի, թե որևէ այլ միջազգային կազմակերպության»,- ասաց Նիկոլ Փաշինյանը։
Մեկնաբանել