Լեհաստանը Բելառուսի հետ սահմանին ավարտել է ցանկապատի կառուցումը։ Այդ մասին հայտարարել է լեհական հատուկ ծառայությունների ներկայացուցիչ Ստանիսլավ Ժարինը։

«Ոչ օրինական ճանապարհով Լեհաստան մուտքը ներկայումս անհնարին է։ Լեհական սահմանն այսօր ամենապաշտպանվածն է Եվրոպայում»,- թվիթերյան իր միկրոբլոգում գրել է Ժարինը՝ հրապարակելով ցանկապատի լուսանկարները։

Polska skończyła budowę bariery ochronnej na granicy z Białorusią. Nielegalne przedostanie się do Polski jest obecnie niemożliwe. Polska granica jest dziś najlepiej chroniona w Europie. pic.twitter.com/LxC9fwXIuc

— Stanisław Żaryn (@StZaryn) October 1, 2022

Բելառուսի հետ սահմանին ցանկապատի կառուցումը Լեհաստանն սկսել էր 2021 թվականին՝ ներգաղթյալների հոսքի կտրուկ աճի պատճառով, որոնք փորձում էին Բելառուսի տարածքով ապօրինաբար հայտնվել Եվրամիությունում։ ԵՄ-ն միգրացիոն ճգնաժամի համար մեղադրում էր Բելառուսի իշխանություններին՝ պնդելով, որ բելառուսական իրավապահ մարմինները ոչ միայն չեն փորձում կանգնեցնել ապօրինի միգրանտներին, այլև նրանց հատուկ տեղափոխում են սահմանային գոտի։ 

Սահմանին պատի կառուցումը լեհական իշխանություններին արժեցել է մոտ 1,6 միլիարդ զլոտի (մոտ 330 միլիոն եվրո)։

Լուսանկարը՝ AP Photo/Michal Dyjuk