Ղրիմի հյուսիսում ռուսական զորքը խրամատներ է փորում
Վերջին ամիսներին Ղրիմ թերակղզու հյուսիսում խրամատներ են սկսել հայտնվել։ Դրանք պարզ են դառնում արբանյակային լուսանկարներից, որոնք հրապարակել է OSINT մասնագետ Բենջամին Փիթեթը։
«Կարծում եմ՝ սա ձեզ կզարմացնի։ Ռուսաստանը նոր խրամատներ է փորում Ղրիմի հյուսիսում»,- Փիթեթը գրել է թվիթերյան իր միկրոբլոգում։ Որպես օրինակ նա բերել է մի լուսանկար, որն արվել է նոյեմբերի սկզբին Արմյանսկի շրջանում։ Ըստ նրա՝ այնտեղ վերականգնում են հին խրամատները և փորում նորերը։
I think this thread will surprise you...
— Benjamin Pittet (@COUPSURE) November 9, 2022
Russia is digging new trenches in... Northern Crimea!
1/ pic.twitter.com/1EDabXX5Ib
Բենջամին Փիթեթը երկու այլ լուսանկարներ էլ է հրապարակել, որոնք արվել են օգոստոսին և հոկտեմբերին Ղրիմի և Խերսոնի մարզի միջև գտնվող «Չոնգար» հսկիչ-անցագրային կետի շրջանում։ Փորձագետի խոսքով՝ այդ վայրում ռուսական զորքերը վերականգնել են առկա ամրաշինությունները և ստեղծել նորերը։
Russia has restored the trenches of the Chonhar checkpoint between Crimea and the Kherson Oblast. New trenches were also built.
— Benjamin Pittet (@COUPSURE) November 9, 2022
August 12 and October 8👇
2/ pic.twitter.com/7wicjd7wpz
Փորձագետը նշում է, որ Խերսոնի մարզում ևս ամրաշինական կառույցներ են կառուցվում, օրինակ՝ Նովոտրոյիցկոյե գյուղի շրջանում։ Փիթեթը հայտարարել է, որ պաշտպանական հենակետեր կառուցվում են ողջ տարածաշրջանում։
Հիշեցնենք, որ նոյեմբերի 9-ին ՌԴ պաշտպանության նախարար Սերգեյ Շոյգուն հանձնարարել էր ռուսական զորքերը հետ քաշել Խերսոն քաղաքից։ Ուկրաինայում ռուսական զորքերի հրամանատար Սերգեյ Սուրովիկինը հայտարարել էր, որ Խերսոնի ամբողջական սնուցումն անհնարին է և նպատակահարմար է պաշտպանության անցնել Դնեպր գետի ձախ ափին։
Լուսանկարը՝ Getty Images-ի
Մեկնաբանել