Ձերբակալվել է Ստամբուլի ահաբեկչության իրականացման մեջ կասկածվող կինը
Ստամբուլի կենտրոնում գտնվող Իսթիքլյալ փողոցում ահաբեկչության մեջ կասկածվող կինը ձերբակալվել է։ Այդ մասին հայտարարել է Թուրքիայի ներքին գործերի նախարար Սուլեյման Սոյլուն։
«Ավելի վաղ ձերբակալվել էր 21 մարդ։ Կինը, որը տեղադրել էր ռումբը, ձերբակալվել է: <...> Առաջիկայում նրանց, որոնք մեզ այդ ցավն են պատճառել, մենք մի քանի անգամ ավելի ուժեղ կցավացնենք»,- հայտարարել է Սոյլուն՝ չնշելով կասկածյալների անունները։
Նախնական տվյալներով, որոնք հրապարակել է թուրք նախարարը, պայթյունի կազմակերպման հետևում կանգնած է Քուրդիստանի աշխատավորական կուսակցությունը, որը Թուրքիայում որակվում է որպես ահաբեկչական։
Ահաբեկչության հետևանքով զոհվել էր 6 մարդ, վիրավորվել՝ 81-ը։
Теракт в Стамбуле совершила гражданка Сирии, ее направили из сирийского города Кобани, утверждают в управлении безопасности Стамбула.
— Новая газета Европа (@novayagazeta_eu) November 14, 2022
Видео задержания подозреваемой публикуют турецкие СМИ. pic.twitter.com/7ehre0f404
Ավելի ուշ, թուրքական լրատվամիջոցները հրապարակել են կնոջ ձերբակալության կադրերը, որը կասկածվում է ահաբեկչության իրականացման մեջ։ Նշվում է, որ նա Սիրիայի քաղաքացի է և խոստովանել է, որ կապ ունի Քուրդիստանի աշխատավորական կուսակցության հետ։ Ըստ Ստամբուլի անվտանգության վարչության՝ կինը ուղարկվել էր սիրիական Քոբանի քաղաքից։
Լուսանկարը՝ Reuters գործակալության
Մեկնաբանել