Արարատյան Հայրապետական թեմի առաջնորդ, արքեպիսկոպոս Նավասարդ (Սամվել) Կճոյանը հրավիրվել է Գլխավոր դատախազության ապօրինի ծագում ունեցող գույքի բռնագանձման գործերով վարչություն:

Կճոյանին պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր:

Թե Կճոյանին պատկանող որ գույքի օրինականության առնչությամբ է դատախազությունում կասկած առաջացել, հայտնի չէ: Այս փուլում դատախազությունը չի հրապարակում գույքի ցանկը՝ հաշվի առնելով այն հանգամանքը, որ բացատրությունների կամ ապացույցների արդյունքում այն կարող է փոխվել:

Հիշեցնենք, որ արքեպիսկոպոս Նավասարդ (Սամվել) Կճոյանի անունը կապվում էր «Օֆշորի գործի» հետ, որի շրջանակներում սնանկության էր հասցվել գործարար Փայլակ Հայրապետյանը։ 

Նավասարդ Կճոյանը 2020թ. ապրիլի 13-ին հրավիրվել էր ԱԱԾ ու նրան մեղադրանք էր առաջադրվել Քրեական օրենսգրքի 178-րդ հոդվածի 3-րդ և 190-րդ հոդվածի 3-րդ մասերով՝  առանձնապես խոշոր չափով  խարդախություն և փողերի լվացում։ Կճոյանը մեղադրանքը չի ընդունում։  

Լուսանկարը՝ Ֆոտոլուրի