Պաշտպանության նախարարությունը մտադիր է 2023 թվականի ապրիլի 15-ից մինչև հունիսի 15-ն անցկացնել պահեստազորայինների վարժական հավաքներ՝ ներգրավելով 953 քաղաքացու։ Կառավարության այս որոշման նախագիծը ներկայացվել է իրավական ակտերի նախագծերի հրապարակման միասնական կայքում։

Հավաքներին ներգավելիք 953 քաղաքացուց 476-ը կլինեն կրտսեր ենթասպայական և շարքային կազմերի, 25-ը` ավագ ենթասպայական կազմի, 452-ը` սպայական կազմի պահեստազորայիններ:

Ըստ նախագծի հիմնավորման՝ վարժական հավաքները հայտարարվում են պահեստազորայինների ռազմական ունակությունների կատա­րելա­­­գոր­ծման, մասնագիտական վերապատրաստ­ման և պատ­րաստ­ման, բարձրագույն կրթություն ունեցող ենթասպա­յա­կան կազմից պահեստա­զորի սպաների պատ­րաս­տման նպատակով։

Հիշեցնենք, որ 2023թ․ ընթացքում սա կլինի պաշտպանության նախարարության հայտարարած երկրորդ վարժական հավաք։ Առաջինը անցկացվելու է մարտի 1-ից մինչև մայիսի 1-ը։