Տեսանյութեր
Լուսանկարներ
Ռուսաստանի ԱԳՆ տեղակալը Ադրբեջանի դեսպանի հետ քննարկել է Երևանի և Բաքվի հարաբերությունների կարգավորման հարցը
Ռուսաստանի արտաքին գործերի նախարարի տեղակալ Միխայիլ Գալուզինը հանդիպել է Ռուսաստանում Ադրբեջանի դեսպան Փոլադ Բյուլբյուլօղլուի հետ, որի ընթացքում կողմերը քննարկել են հայ-ադրբեջանական հարաբերությունների կարգավորման գործընթացը։
«Զրույցի ընթացքում կառուցողական եղանակով դիտարկվել են երկկողմ համագործակցության զարգացման ընթացիկ հարցերը։ Անդրադարձ է կատարվել տարածաշրջանային մի շարք արդիական սյուժեների, ներառյալ հայ-ադրբեջանական հաբարերությունների կարգավորման հեռանկարները՝ Ռուսաստանի, Ադրբեջանի և Հայաստանի առաջնորդների եռակողմ պայմանավորվածությունների շրջանակներում»,- ասված է ռուսական արտաքին քաղաքական գերատեսչության տարածած հաղորդագրության մեջ։
Այդ երկու երկրների առաջնորդները վերջին անգամ հեռախոսազրույց էին ունեցել այս տարվա մարտի 16-ին, ինչի ընթացքում քննարկել էին Հարավային Կովկասում անվտանգության և կայունության ապահովման գործնական միջոցները։
«Քննարկվել են գործնական քայլերը, որոնք ուղղված են Հարավային Կովկասում անվտանգության և կայունության ապահովմանը՝ Ռուսաստանի, Ադրբեջանի և Հայաստանի ղեկավարների եռակողմ հայտնի պայմանավորվածությունների համատեքստում»,- ասված էր ռուսական կողմի հաղորդագրության մեջ։
Բացի այդ, երկու երկրների առաջնորդները մտքեր էին փոխանակել նաև տարածաշրջանում տրանսպորտահաղորդակցային ու տնտեսական կապերի զարգացման հարցերի շուրջ։
Լուսանկարը՝ AZƏRTAC
Մեկնաբանել