63-ամյա Անահիտ Սամվելյանը հոդերի երկկողմանի արթրոզ (կոքսարթրոզ) ունի։ Հայաստանում անվճար վիրահատում են այդ հիվանդությամբ մարդկանց, բայց պրոթեզի գումարը պետք է վճարի պացիենտը։ Մեկ պրոթեզի արժեքը 1,5-1,6 միլիոն դրամ է: Այդքան գումար ընտանիքը չունի։ Տիկին Անահիտը կդառնա անկողնային հաշմանդամ, եթե ուշանա վիրահատությունը։

Գլաուկոմայի հետևանքով դուստրը՝ Զառան, կորցրել է մեկ աչքը, որը փոխարինվել է պրոթեզով։ Երբ Զառան չէր ծնվել, Անահիտի հղիության ընթացքում դժբախտ պատահարից մահացել է ամուսինը։ Երկրորդ ամուսինը հանկարծամահ է եղել տարիներ առաջ։ Անահիտի հետ նրանք մեկ որդի ունեն՝ Դավիթը, որ 21 տարեկանում ձեռք է բերել օդակաթիային ալերգիա։ Հիմա 29 տարեկան է․ տնից, նույնիսկ սենյակից դուրս չի գալիս, քանի որ ցանկացած օտար հոտ նրան վնասում է։ Անահիտի եղբայրը մահացել է Ռուսաստանում՝ տուն-ինտերնատում, քույրերից մեկը՝  քաղցկեղից, մյուս քույրը, որը լեղապարկի վիրահատության կարիք ունի, բնակվում է իրենց հետ։

Ընտանիքն ապրում է միայն նպաստներով ու թոշակներով։ Զառան դպրոցական տարիներից աշխատել է․ ուզում է, որ մայրը շուտ ապաքինվի, որպեսզի վերադառնա վերջին տարիների իր աշխատանքին՝ շրջիկ առևտրին։ 

Անահիտ Սամվելյանը դիմում է մարդկանց օգնությանը, որպեսզի ձեռք բերի վիրահատության համար անհրաժեշտ պրոթեզները․ այդ նպատակով հաշվեհամար է բացվել։ Վիրահատությունը հաջողությամբ անցնելու դեպքում 6 ամիս անց պետք է լինելու ևս մեկ նույնատիպ վիրահատություն։

IDbank բանկային հաշիվ` 11800599254000 Anahit Samvelyan

4318 2900 9278 9615 Idram IDbank

Կարդացեք նաև՝

• «Ուզում եմ գոնե մի քիչ ապրել էրեխեքիս համար». 63-ամյա կինը պրոթեզավորման կարիք ունի