Երևանում ընթացող ծանրամարտի Եվրոպայի առաջնությունում այսօր մրցահարթակ դուրս եկան 55 կգ քաշային կարգում հանդես եկող կանայք, որտեղ Հայաստանը ներկայացնող Իզաբելա Յայլյանը դարձավ առաջնության բրոնզե մեդալակիր:

Պոկում վարժությունում Յայլյանը առաջին երկու մոտեցումները ձախողեց, սակայն մեծ ջանքերի գնով երրորդ մոտեցմամբ կարողացավ բարձրացնել 87 կգ ծանրաձողը՝ նվաճելով փոքր բրոնզ:

Հրում վարժությունում Իզաբելա Յայլյանը առաջին մոտեցմամբ բարձրացրեց 105 կգ: Երկրորդ մոտեցման համար պատվիրած 108 կիլոգրամանոց ծանրաձողը Յալյանը չկարողացավ բարձրացնել, սակայն երրորդ մոտեցմամբ հաջողությամբ հրեց 109 կգ՝ կրկին նվաճելով փոքր բրոնզ:

Երկամարտի 196 կգ արդյունքով Իզաբելա Յայլյանը դարձավ Եվրոպայի առաջնության բրոնզե մեդալակիր: Այս քաշային կարգում չեմպիոն հռչակվեց ռումինուհի Անդրեա Կոտրուտան՝ 201 կգ արդյունքով: Ուկրաինուհի Սվիտլանա Սամուլիակը 199 կգ արդյունքով դարձավ փոխչեմպիոն:

Լուսանկարը՝ Ֆոտոլուրի